पांढऱ्या वाटण्याची उसळ | Pandharya Vatanyachi Usal

Pandharya Vatanyachi Usal in English

वेळ :  

१५ मिनिटे (वाटणे भिजवण्यासाठी लागणारा वेळ वगळून)
२ व्यक्तीन साठी.

साहित्य :

१)१ वाट्या भिजवलेले वाटणे  
२)२छोटा चमचा तेल  
३)हळद
४)मालवणी मसाला २ चमचे किंवा आवडीनुसार 
५)कांदा एक मोठा 
६)१ वाटी खवलेले ओलें खोबरे 
७)४-५ कढीपत्त्याची पाने 
८)कोथिंबीर 
९)आवडीनुसार मिठ 

कृती :

वाटणे  ६-७ तास भिजवून घ्यावी. कुकरला लावून वाटणे उकडून घ्यावेत. 

जास्त शिट्या करू नयेत नाहीतर वाटणे जास्त शिजतात आणि बेचव होतात. 

एका भांडयात तेल गरम करुण कढीपत्ता घालून बारिक चिरलेला अर्धा कांदा घालून परतावं.  

कांदा चांगला लाल होयी पर्यंत भाजावा. आता त्यात वाटणे घालून चांगले परतावे. 

थोडसं पाणी घालून मालवणी मसाला घालून झाकण ठेऊन मध्यम ग्यासवर मसाला चांगला उकळू दयावा. 

एका भांडयात एक चमचा तेल घालून त्यात कांदा भाजून ओलं खोबर हि भाजून घ्यावे. 

थंड झाल्यावर मिक्सरमध्ये बारिक वाटून घ्यावं. 

मसाला शिजला  की हे वाटण त्यात घालावं. सोबत मिठ घालावे. 

वरून छान कोथिंबीर घालावी.