कोबीची वडी | Cabbage Vadi

Cabbage Vadi in English

वेळ :  

२० मिनिटे,

२ व्यक्तीन साठी.

साहित्य :

१) २ वाटया किसलेला कोबी 

२) १/ वाटी बारीक चिरलेली कोथिंबीर 

३) १ वाटी चण्याची डाळ 
४) हळद
५) चविनुसार  मिठ 
६) ४-५ ओल्या हिरव्या मिरच्या  

७) आलं लसुन १ छोटे चमचे
८) जिरे २ छोटे चमचे 
९) पांढरे तीळ १छोटा चमचा 
१०) तळणासाठी तेल
११) चवीपुरते मिठ 

कृती :

चण्याची डाळ २-३तास पाण्यात भिजू दयावी. 

मिक्सरवर बारीक वाटून घ्यावी. 

आलं लसुन आणि हिरवी मिरची बारीक वाटून त्यात घालावी. 

एका भांडयात वरील मिश्रण,हळद,किसलेला कोबी, बारीक चिरलेली कोथिंबीर, जिरे,पांढरे तीळ व मिठ एकत्र करून चांगले एकजीव करून घ्यावे. 

थोडे पाणी घालून मिश्रण घट्ट भिजवून घ्यावे. 

एका प्लेटला तेल लावून हे मिश्रण थोडस जाडसर  पसरून घ्यावे. 

आता प्रेशर कुकरमध्ये शिट्टी न लावता १०-१५ मिनटे वाफ येऊ दयावी. 

ढोकळा पत्रातसुद्धा छान होतात. थंड झाल्यावर तुकडे पाडून घ्यावेत.  

गरम तेलात कुकुरीत तळून घ्यावे किंवा शालो फ्राय करून घ्यावे. 

हिरव्या चटणीसोबत खावयास दयावी.