फोडणीचा भात

Phodnicha Bhat in English

वेळ:  

१५ मिनिटे,

२ व्यक्तींसाठी.

साहित्य:

१) २-३ कप साधा बनवून घेतलेला भात 

२) १ मध्यम आकाराचा कांदा  

३) आंल लसूण पेस्ट 

४) हळद  

५) कोथिंबीर बारिक चिरलेली 

६) १/४ छोटा चमचा लाल मिरची पूड   

७) १ छोटा बटाटा बारिक फोडी करून 

८) १/२ वाटी शेंगदाणे 

९) मीठ गरजेनुसार 

फोडणीसाठी:

१) १ छोटा चमचा  जिरे 

२) ७-८ कढीपत्त्याची पाने 

३) ३ मोठे चमचे तेल   

कृती:

साधा मोकळा भात बनवून घ्यावा किंवा रात्रीचा उरलेला भातसुद्धा वापरू शकता.

एका जाड बुडाच्या भांड्यात तेल गरम करून  जिरे व कढीपत्त्याची पाने घालावी.

लगेचच उभा चिरलेला कांदा, शेंगदाणे  व बारिक चिरलेल्या बटाट्याच्या फोडी घालाव्या.

झाकण ठेवून मंद ग्यासवर बटाटा शिजू दया.

बटाटा शिजला की लगेचच आंल लसूण पेस्ट, हळद, लाल मिरची पूड घालून  २-३ सेकंद परतावे.

आता शिजवलेला भात व मीठ घालून परतावे झाकण ठेवून ५ मिनिटे मंद ग्यासवर भात शिजू दयावा.

सर्विंग बाउल मध्ये  भात काढून घ्या त्यावर कोथिंबीर घालून गरमच सर्व्ह करा.