हिरव्या तुरीच्या दाण्यांची खिचडी

HirvyaTurichya Danyanchi Khichadi in English

पूर्व तयारीसाठी लागणारा वेळ : १० मिनिटे 

बनवण्यासाठी लागणारा वेळ : २० मिनिटे  

२ व्यक्तींसाठी.

साहित्य:

१) १ वाटी हिरव्या तुरीचे दाणे 

२) १ वाटी कोलम तांदुळ 

३) अडीच वाटी पाणी 

४) १ कांदा 

५) १ टोमॅटो 

६) २-३ हिरव्या मिरच्या 

७) ५-६ कढीपत्त्याची पाने 

८)  १/२ वाटी बारिक चिरलेली कोथिंबीर 

९) १ छोटा चमचा हळद 

१०) १ छोटा चमचा जिरे 

११) २ छोटे चमचे पुलाव मसाला 

१२) १/२ वाटी तूप 

१३) मीठ आवडीनुसार 

कृती:

कूकर मध्ये तूप गरम करून त्यात जिरे, कढीपत्त्याची पाने व बारिक चिरलेली हिरवी मिरची घालून परतावे. 

बारिक चिरलेला कांदा घालून १ मिनिटे परतावा व लगेचच तुरीचे दाणे घालावे.

तांदुळ निवडून स्वच्छ धुवून घ्यावे व वरील दाण्यावर घालून २-३ मिनिटे परतावे.

दुसऱ्या बाजूला पाणी गरम करत ठेवावे.

पाण्याला उकळी आले की लगेचच हे पाणी वरील मिश्रणात घालावे व एक उकळी येवू दयावी.

आता हळद, पुलाव मसाला, मीठ व बारिक चिरलेला टोमॅटो घालावा.

कुकरला झाकण लावून मंद ग्यासवर ३-४ शिट्ट्या काढाव्यात.

कूकर थंड झाला की खिचडी काढून त्यावर बारिक चिरलेली कोथिंबीर व तूप घालून घ्यावे.

गरमच दह्यासोबत सर्व्ह करावी.