हिरव्या वाटाण्याची करंजी | Hirvya Vatanyachi (Matar) Karanji Recipe in Marathi
https://nilamsrecipes.blogspot.com/2015/04/hirvya-vatanyachi-matar-karanji-recipe.html
बनविण्यासाठी लागणारा
वेळ : २० मिनिटे
४ व्यक्तींसाठी.
साहित्य:
सारणासाठी:
१) १ वाटी हिरवे वाटाणे
२) २ हिरव्या मिरच्या
३) १/२ वाटी कोथिंबीर
४) १/२ छोटा चमचा धणे जिरे पूड
५) १ छोटा चमचा हळद
६) १/२ छोटा चमचा मोहरी
७) तेल फोडणीसाठी
८) मीठ चवीनुसार
आवरणासाठी:
१) १ वाटी मैदा
२) १ वाटी गव्हाच पीठ
३) १/२ वाटी बारिक रवा
४) १/२ वाटी तेल मोहनासाठी
५) १ मोठा चमचा कॉर्न फ्लोर
६) मीठ चवीनुसार
७) तेल तळनासाठी
कृती:
आवरणासाठी:
एका भांडयात मैदा, गव्हाच पीठ, रवा, कॉर्न फ्लोर, मीठ व गरम केलेल तेल
(मोहन) घालून चांगले एकजीव करून घ्यावे.
आता थोडे थोडे आवश्यक तेवढे पाणी घालावे व घट्ट पीठ मळून घ्यावे.
पीठ मळत असताना ते पातळ मळले जाणार नाही याची काळजी घ्यावी.
त्यासाठी पाणी अंदाज घेवून बेताबेताने घालावे.
पीठ मळून झाले की ते मवू कापडात साधारण १ तास झाकून ठेवावे.
कृती:
सारण:
एका भांडयात थोडे तेल गरम करावे त्यात वाटाणे घालून २-३ मिनिटे परतावे व बाजूला करून घ्यावे.
मिक्सला लावून क्रश करून घ्यावे.
त्याच भांडयात फोडणीसाठी तेल गरम करून त्यात
मोहरी घालावी ती तडतडली की लगेचच जिरे, हिरव्या मिरच्या थोडयाश्या
ठेचुन घालाव्या साधारण २ मिनिटांनी क्रश केलेले वाटाणे, हळद व मीठ घालून परतावे
झाकण ठेवून ५ मिनिटे वाफ येवू दयावी.
५ मिनिटांनी झाकण काढावे व बारिक चिरलेली कोथिंबीर घालावी व
ग्यास वरुन बाजूला करावे.
थंड होवू दयावे.
या पुढील कृती:
वर तयार करून ठेवलेल्या पीठाचे एकाच अकाराचे समान गोळे करून घ्यावे.
हयातील एक एक गोळा घेवून पोळपाटावर लाटणीच्या सहाय्याने गोल व मध्यम
जाडीच्या पुऱ्या लाटून घ्याव्या.
पुरीच्या मध्यभागी करून ठेवलेले वाटाण्याचे सारण थोडेसे भरून घ्यावे व पुरीची पारी दुमडून करंजी करून घ्यावी.
अश्याप्रकारे सर्व करंज्या करून घ्याव्यात.
करत असताना भरून तयार असलेल्या करंज्या ओल्या कपडयाने झाकून
ठेवाव्या.
तळणासाठी तेल गरम करावे व तयार कारंज्या छान खरपूस तळुन घ्याव्या.
गरम किंवा गार खावयास दयावा.
Labels : cookware , kitchen appliances , furniture
.jpg)
