Phodnichi Chapati | फोडणीची चपाती

Phodnichi Chapati in English:

वेळ:

१५ मिनिटे,

२ व्यक्तींसाठी.

साहित्य:

१) ५-६ -6 चपात्या (आदल्यादिवशीच्या)

२) १ कांदा बारिक चिरलेला  

३) २ चमचे तळलेले काजू 

४) १/२ छोटा चमचा लिंबाचा रस 

५) मीठ चवीनुसार 

६) १ छोटा चमचा साखर 

७) बारिक चिरलेली कोथिंबीर 

फोडणीसाठी लागणारे साहित्य:

१) २ छोटे चमचे तेल 

२) एक चिमुट मोहरी 

३) एक चिमुट जिरे 

४) ५-६ कढीपत्त्याची पाने 

५) एक चिमुठ हींग 

६) १/४ छोटा चमचा हळद 

७) १/२ चमचा लाल मिरची पूड 

कृती:

शिळया पोळ्या मिक्सरला लावून बारिक करून घ्याव्या व बाजूला करून ठेवावे.

फोडणीसाठी तेल गरम करून घ्यावे त्यात मोहरी घालावी. 

मोहरी तडतडली की जिरे, हींग, कढीपत्त्याची पाने, हळद व लाल मिरची पूड घालावी.

बारिक चिरलेला कांदा घालून छान परतावा. 

तळलेले काजू घालून परतावे. 

बारिक केलेली चपाती घालून मंद ग्यासवर परतून घ्यावी. 

मीठ व साखर घालून झाकण ठेवावे २ मिनिटे होवू दयावे.

बारिक चिरलेली कोथिंबीर व लिंबाचा रस घालून गरमच खावयास दयावे.