तांदळाच्या शेवया व नारळाचा रस | Tandalacya Shevaya aani Naralacha Ras

Rice Shevya with Coconut Milk in English

बनवण्यासाठी लागणारा वेळ: १/२  तास  

२ व्यक्तींसाठी 

शेवयां  बनवण्यासाठी  लागणारे साहित्य:

१)  ४ वाटया  तांदळाचे पीठ  

२)  मीठ चवीनुसार
३)  पाणी  

नारळाचा रस बनवण्यासाठी लागणारे साहित्य:

१) ओल खोबर २ वाटया 

२) १ वाटी किसलेला गूळ 

३) मीठ चवीनुसार 

४) वेलची पूड 

शेवयांची कृती:

तांदळाच्या पीठात मीठ व गारम पाणी घालून थोडे घट्ट मळून घ्यावे.

एका पातेल्यात जास्तचे पाणी गरम करत ठेवावे.

पाण्याला उकळी आली की वरील पीठाचे बेताच्या  आकाराचे लांबाट गोळे करून त्यात सोडावे व १०-१५ मिनिटे उकडू दयावे.

गोळे शिजले की ते शिजून वर येतात.

हे गोळे गरमच शेवयाच्या सोऱ्यात  घालून लगेचच शेवया पाडून घ्याव्यात.

नारळाचा रस बनवण्याची कृती:

ओल खोबर थोडस पाणी घालून मिक्सला लावून त्याच दूध काढून घ्यावे.

त्यात किसलेला गूळ, वेलची पूड व थोडेसे मीठ घालून चांगले ढवळून घ्यावे.

शेवया नारळाच्या रसासोबत सर्व्ह कराव्यात.