Upwasachi Puran Poli - Potato Puran Poli - Recipe in Marathi | उपवासाच्या पुरणपोळ्या

Upwasachi Puran Poli in English:


The Upwas Puran Poli recipe is a customised puran poli recipe carved keeping in mind your fasting essentials.Its also doesnt let you afar from your favourite sweetdish. May be termed as 'puran poli with a twist' as the ingredients are replaced and modified with all due respect to the traditional & authentic Maharahstrian Puran Poli. We use potato and rajgira flour to make this fast special dish.

पूर्व तयारीसाठी लागणारा वेळ: १० मिनिटे,

बनविण्यासाठी लागणारा वेळ: १५ मिनिटे,

२ व्यक्तींसाठी.

साहित्य:

१) २ मोठे बटाटे 

२) १/२ वाटी तूप 

३) दीड वाटी राजगिरा पीठ 

४) १/२ वाटी  साखर 

५) बदाम व काजूचे काप किंवा  आवडीनुसार 

६) १  छोटा चमचा वेलची पूड

७) २ छोटे चमचे तेल 

कृती:

बटाटे चांगले उकडून सोलुन व चांगले कुस्करून घ्यावे.

एका कढईत  थोडस तूप गरम करावे.

त्यात कुस्करलेला बटाटा घालून साधारण १० मिनिटे चांगला परतून घ्यावा.

परतत असताना खाली लागणार नाही याची काळजी घ्यावी.

साखर, बादाम व काजूचे काप, वेलची पूड घालून पुरण बनवून घ्यावे व थोडे थंड होवू दयावे.

राजगिरा पिठात २ छोटे चमचे तेल  व आवश्यकतेनुसार थोडेसे पाणी घालून छान नरम पीठ मळुन घ्यावे.

या पीठाचे एकाच आकाराचे गोळे करून घ्यावे.

या गोळ्याची  पुरीच्या अकाराची पारी लाटून घ्यावी.


या पुरीची बोटांच्या साह्याने खाली दाखविल्याप्रमाणे वाटी तयार करून घ्यावी.

या गोळ्यावर थोडे पुरण ठेवावे व खाली दाखविल्याप्रमाणे पारीच्या सर्व बाजू बंद कराव्या व हा गोळा पीठात घोळून घ्यावा.

पोळी गोल लाटून घ्यावी.

तवा गरम करून अगदी हलक्या हाथाने लाटून घेतलेली पोळी त्यावर घालावी.

दोन्ही बाजुनी खरपुस भाजून घ्यावी.

तव्यावर पोळीच्या आजूबाजूने साजूक तुपाची धार सोडावी.

गरमा गरम सर्व्ह करावी.